Ciidamada ammaanka ee Gobolka Banaadir ayaa xalay gacanta ku dhigay koox dambiilayaal ah oo la doonayay inay si qarsoodi ah ugu iibkeeyaan maandooriyayaal nooca Xashiishka ah.
Howlgalka qorsheysan ee ka dhacay degmada Gubadley ee magaalada Muqdisho, ayaa lagu soo qabtay 4 qof oo hubeysan iyo 7 loor oo maan-dooriyaha ah.
Howlgalka, oo ahaa mid si xirfad leh loo abaabulay, ayaa si dhow u baarey dadka shaki laga qabo ee ku lug leh ganacsiga maandooriyaha, iyada oo la raadinayey si loo xakameeyo dhibaatooyinka bulsho ee ay keeni karaan.
Ciidamada ammaanka ayaa gacanta ku dhigay 4 ruux oo lasoo qabtay kuwaas oo lagu eedeeyay inay ku lug lahaayeen wax ka ganacsiga maandooriyaha Xashiishka, waxaana lagu soo bandhigay sawiradooda iyo maandooriyadii ay wateen.
Saraakiisha ammaanka ee Gobolka Banaadir ayaa xaqiijiyay in eedeysanayaashaasi loo dhiibayo caddaaladda, waxaana sidoo kale la sheegay in baaritaanno dheeraad ah lagu sameyn doono si loo ogaado heerka dambi ee ay ku lug leeyihiin.
Howlgallada noocan oo kale ah ayaa sii xoogeysanaya magaalada Muqdisho, iyadoo ciidamada amniga ay kordhinayaan dadaalladooda si ay u baabi’iyaan kooxaha ka ganacsada maandooriyaha, kuwaas oo keeni kara dhibaatooyin bulshada dhexdeeda.
Ciidamada ammaanka ee caasimadda ayaa waday howlgalada noocan oo kale ah mudooyinkii lasoo dhaafay si looga hortago waxyeelada iyo dhibaatada ay ganacsiga maandooriyeyaashu ku keeni karaan dadka iyo deegaanka.
