Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa dhagax dhigay dhismaha 20-waddo oo interlock oo laga hirgalin doono Waaxda Jabuuti ee Degmada Kaaraan, iyada oo dhismaha Waddooyinkaas ay iska kaashan doonaan bulshada deegaanka iyo maamulka Degmada.
Guddoomiyaha degmada Kaaraan Mudane Faarax Cadaani oo warbixin kooban bixiyay ayaa sheegay in waaxaha kala duwan ee degmada Kaaraan uu ka socdo tartan la xariira dhismaha waddooyinka iyo bilicda degmada.
Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa sheegay in maamulkiisa uu ahmiyad gaar ah siin doono horumarinta bilicda Caasimadda, islamarkaana degma kaste lagu abaal marin doono sida ay isaga xilsaarto nadaafada iyo bilicda deegaanka.
