Wararka naga soo gaarayo caasimadda dalka Booqrtooyadda Haashimiyadda ee Urdun ee Camaan ayaa waxay sheegayaan in La-taliyaha Madaxweynaha Somalia ee dhinaca Milliteriga, Jeneral C/raxmaan Sheekh Ciise uu Kulamo la leeyahay Madaxda dalkaasi.
Warbaahinta Urdun, waxay sheegtay in La-taliyaha Boqorka dalkaasi ee Arrimaha Milliteriga, Jeneral Mashcal Mohamed Al-sabni uu kulan khaas ah la qaatay dhigiisa dalka Somalia, , Jeneral C/raxmaan Sheekh Ciise.
Labada Mas’uul waxay ka wada hadleen xiriirka labada dowladood, gaar ahaan sidii loo xoojin lahaa Iskaashiga Milliteri.
Waxay kaloo ka wada hadleen xaalladdaha ka aloosan dalka Yemen iyo Ammaanka Guud ee Mandiqadda.
Dhinaca kale, in La-taliyaha Booqrka dalkaasi ee Arrimaha Milliteriga, Jeneral Mashcal Mohamed Al-sabni waxa uu kulan kale la qaatay dhigiisa dalka Jabuuti, Kolonel Mustaf Xandulle, oo ay ka wada hadleen iskaashiga Milliteriga ee labada waddan.
Wada-tashiyadda ay sida kala goonida ah u yeesheen in La-taliyaha Boqorka dalka Urdun ee Arrimaha Milliteriga, Jeneral Mashcal Mohamed Al-sabni iyo La-taliyayaasha Madaxweynaha Somalia iyo kan Jabuuti ayaa waxa uu ku soo beegmay, xilli ay Dowladaha Carabta go’aansadeen in la dhiso Ciiddan Carbeed oo faragelin ku samayn kara Waddan kasta oo Carbeed oo ay colaado ka dhacaan.
Hoggaamiyayaasha Dowladdaha Carabta oo dhowr bilood ka hor Kulan ku yeeshay Xarunta Jaamacadda Carabta ee magaalladda Qaahira ayaa waxay isku raacen in la dhiso Ciiddan Carbeed oo Mideysan.
© Warqabadka Dalsan Radio
