Xildhibaano ka tirsan Golaha Shacabka Soomaaliya ayaa kulankii saddexda maalmood socday,waxa ay ay qaarkood ku sheegeen in dadka ku nool Muqdisho Cadaalad u doontaan deegaanada ay maamulaan Al-Shabaab,waxana hadalkaas ka jawaabay Guddoomiyaha Maxkamada Racfaanka gobolka Banaadir.
Garyaqaan Abshir Cumar Cabdullaahiayaa sheegay in ilaa iyo hadda wararkaas aan waxba ka jirin,isla markaana aan loo heyn cadeyn buuxda Al-Shabaabna aysan xukunadooda ka Shaqeynin Magalada Muqdisho.
Waxa uu sheegay in deegaanada ay Al-Shabaab maamulaan ay taasi macquul tahay inay ka dhacdo balse Magalada muqdisho dad isku-heystay dhulal iyo waxyaabo kale inaysan Al-Shabaab u kala xukumi karin.
Hadalka guddoomiyaha Maxkamada Racfaanka gobolka Banaadir ayaa u muuqday mid jawaab u ah hadalkii xildhibaano ka tirsan golaha Shacabka ay ku sheegeen in xukunada Al-Shabaab ay ka Shaqeeyaan Magalada Muqdisho.
Hoos Ka Dhageyso Codka Guddoomiyaha Maxkamada Racfaanka gobolka Banaadir.
