Dowladda Federaalka Soomaaliya ayaa canbaaraysay weerarka argagixiso ee lagu qaaday Turkish Aerospace Industries (TUSAS) ee Kahramankazan, Ankara, kaas oo sababay dhimasho iyo dhaawac badan.
Qoraal kasoo baxay Dowladda Soomaaliya ayaa Waxaa tacsi tiiraanyo leh loogu diray qoysaska dhibaatadu kasoo gaartay weerarkaasi.
“Argagixisadu nooc kasta oo ay tahay, waxay khatar ku tahay xasilloonida dalalka iyo badqabka dadka oo dhan, Soomaaliya oo muddo dheer dagaal kula jirtay argagixisada, si qoto dheer ayay ula damqanaysaa walaalaheeda Turkiga waxayna la wadaageysaa murugada.Waxaan bogaadineynaa jawaabta degdegga ah ee ciidamada amniga Turkiga, waxaana ku kalsoonahay in kuwa mas’uulka ka ah lala xisaabtami doono†ayaa lagu yiri Qoraalka.
Sidoo kale Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo qadka telefoonka kula hadlay dhiggiisa dalka Türkiye Recep Tayyip Erdoğan ayaa uga tacsiyeeyay weerarkii argagaxiso ee ka dhacay magaalada Ankara ee dalkaas.
Madaxweyne Xasan Sheekh yiri†Soomaaliya waxa ay garab taagan tahay shacabka aan walaalaha nahay yo dowladda Türkiye ee dagaalka kula jira argagaxisada.†Ayuu yiri Madaxweyne Xasan Sheekh.
