Warar ka imaanayo magaalladda Kismaayo ayaa waxay sheegayaan inay Ciiddanka Khaaska ee Maraykanka iyo kuwa Dowladda Federalka si wadajir ah u beegsadeen Fariisimadda ay Dagaalamayaasha Alshabaab ku leeyihiin Tuulladda Berxaani ee Gobalka J/Hoose.
Warbaahinta OFREP ayaa sheegtay inay heleen Warar uu Sawir-qaade Deegaanka oo joogay goobta la weeraray uu sheegay inay Dagaalyahanno shisheeye ah weerareen Tuulladda ay Alshabaab ku xooggan yihiin ee Beerxaani.
Ciiddanka Isbahaysiga ayaa la sheegay inay dhowr qof ku qabteen Hawlgalkaasi, waxaa kaloo la soo weriyey inay Ciiddanka Maamulka Jubbaland dab qabadsiiyeen 4 guri oo ku yaalla Beerxaani, kadib, markii ay Ciiddanka Maraykanka hawlgalka ka fuliyeen Deegaankaasi.
Bishii July 23-dii ee sannadkan, ayey Dagaalamayaasha Xarakadda Alshabaab la wareegeen Deegaanka Beerxaani, kadib, marii ay Ciiddanka Maamulka Jubbaland soo galeen Deegaankaasi, isla markaana ay dab ku wada qabteen dhismayaasha.
Wax yar ayaa la og yahay waxa uu yahay Hawlgalka Ciiddanka Khaaska Maraykanka ka qaateen Hawlgalkaasi, inkastoo Ciiddankaasi oo hoos taga Taliska SOCAFRICOM iyo Taliska kale ee Isku-dhafka Hawlgalladda Khaaska ee JSOC oo Waqtiyo kooban ku sugan gudaha Somalia.
Ciiddanka Khaaska ee Maraykanka waxaa la hawlgala Ciiddanka Gaashan ama Alpho ay Milliteriga Maraykanka tababaraan, kuwaasi oo inta badan ka qeyb gala Hawlgalladda Khaaska ee ay ka fuliyaan Deegaanadda ay Xarakadda Alshabaab ku xooggan yihiin.
©Radio Dalsan
