Ciidanka Dalka ayaa Gobolka Hiiraan waxaa ay ka wadaan howlgallo culus oo ka dhan ah dagaalamayaasha Al-Shabaab,kuwaasi oo ku sugan qaybo ka mid ah Gobolkaasi.
Taliyaha ciidanka dhulka ee xoogga dalka Jeneraal Maxamed Tahliil Biixi, Taliyaha qeybta 27-aad iyo saraakiil kale oo ka tirsan militeriga Soomaaliya, ayaa maanta gaaray jiida hore ee dagaalka.
Taliyaha ayaa deegaanka Teedaan oo shalay dagaalxooggan oo u dhexeeya Ciidanka Dowladda iyo Al-Shabaab uu ka dhacay, ayaa wuxuu kula kulmay guddoomiyaha gobolka Hiiraan, wasiirka amniga HirShabeelle iyo xildhibaano heer federaal ah iyo saraakiisha ciidamada qaranka ee hoggaaminaya dagaalka dib u xoreynta gobolka Hiiraan.
Taliye Biixi ayaa ciidanka, saraakiisha iyo masuuliyiinta kale ku bogaadiyey inay sii wadaan dagaalka ka dhanka ah Al-Shabaab, isagoo dhiira-gelin u sameeyey ciidanka qaranka.