Ciidamada Xoogga Dalka, daraawiishta Galmudug iyo kuwa deegaanka ayaa saaka howlgal qorshaysan ka fuliyay dhulka miyiga ah ee u dhaxeeya Qeycad iyo shabeelloow ee koonfurta Gobolka Mudug.
Goobaha uu saaka ka dhacay howlgalka ayaa ahaa dhul oo ay dagaalamayaasha Al-Shabaab joogeen, halkaas oo ay sidoo kale ku dhibaatayn jireen dadka shacabka ah.
Gaashaanle, Cabdiraxmaan Nuur Sahal Sheekeeye iyo abaan-duulaha Guutada 27 ee Abu-dijaana, Gaashaanle Cabdullaahi Xuseen ayaa howlgalka ka dib la hadlay Cutubyo ka tirsan Xoogga Dalka, Daraawiishta Galmudug iyo kuwa Deegaanka.
Wuxuu sheegay Gaashaanle, Cabdiraxmaan Nuur inay sii wadi doonaan howlgalada lagula dagaalamayo Al-Shabaab, waa sida uu hadalka u dhigay.
