Warar dheeraad ah ayaa kasoo baxaya dagaal saacadihii lasoo dhaafay Al-Shabaab iyo Ciidamada Dowladda Ku dhex-maray degaanno ka tirsan Gobolka Hiiraan.
Wararku waxaa ay sheegayaan Ciidamada dowladda Soomaaliya ayaa la wareegeen gacan ku heynta deegaanka Ceellahele, kaddib dagaal kooban oo halkaasi ka dhacay.
Dagaalka oo sida la sheegay ahaa mid culus ayaa ilaa iyo hadda la ogayn khasaaraha ka dhashay, iyadoo Saraakiisha hor kacaysa dagaalkaasi aysan ka hadlin.
Howgallada iyo dagaalkaas ayaa waxaa qayb ka ah Xildhibaanno iyo wasiirro ka tirsan Maaamulka Hirsahbeelle iyo dowladda Federaalka Soomaaliya,kuwaasi oo dhawaanahaan ku sugnaa goobaha ay ka socdeen howgalladu.
Masuuliyiinta qaybta ka aha waxaa ka mid ah  Maxamed Cabduqaadir Maxamed oo kamid ah Baarlamaanka Fedaraalka Soomaaliya Wasiirka gaadiidka iyo Duulista hawada dowlad goboleedka Hirshabelle Muuse Salaad Wehliye guddoomiyaha Gobolka Hiiraan’
Saraakiisha ciidanka dowladda ayaa warbaahinta u xaqiijiyay in ay dhanka Al-Shabaab ka dileen hal qof balse dhankooda ma aysan sheegin wax khasaare ah.
