Wararka ka imaanaya Magaalada Garoowe ee Xarunta Maamulka Puntland ayaa sheegaya in dagaal Culus uu ka qarxay magaaladaasi,waxaana la maqlayaa dhawaqa rasaasta.
Rasaasta la maqlayo ayaa u dhexeysa Ciidamada maamulka Puntland iyo ciidamada mucaaradka oo maalmihii lasoo dhaafay isku hor fadhiyay qaybo ka mid ah Magaalada.
Dagaalka ayaa lasoo sheegaya inuu ka bilowday xaafado ay ka midyihiin Xaafadda Kowda Agoust,Baarlamaanka illaa jidka Soddonka ee magaalada Garoowe, waxaana taagan cabsi aad u weyn oo dadka degaanka soo foodsaartay.
Sidoo kale Fadhiga Baarlamanka Puntland ayaa hadda furmay, iyada oo sida hore loo shaaciyey ajanduhu yahay dhegeysiga warbixinnada guddiyada.
