Taliska Ciidanka Booliska Booliska Gobolka Banaadir ayaa gacanta kusoo dhigay 3 Haween ah, oo dhawaan kasoo muuqday Baraha Bulshada iyagoo dhibaataynaya Muwaadin Soomaaliyeed.
Saacadiihii ugu dambeeyay ayuu Muuqaalkoodu ku baahay Baraha Bulshada, waxaana ay jir-dil ku sameynayeen Muwaadin Soomaaliyeed oo la sheegay inuu u soo Shukaansi tagay mid ka mid ah Hablaha lasoo qabtay.
Ciidanka Boliisa Soomaaliyeed gaar ahaan Saldhigga Boliiska degmada Waabari, ayaa haatan gacanta ku haya Haweenkaasi jir dilka u geestay, wiilka dhalinyarada ah.
“Ciidanka Boliisa Soomaaliyeed gaar ahaan Saldhigga Boliiska Waabari, ayaa gacanta ku soo dhigay Haween jir dil u geestay, Muwaadin Soomaaliyeed, waxaana socota baarista Boliska. Waxaana la horgeyndoonaa Maxkamadda awooda u leh†ayaa lagu yiri Qoraal kasoo baxay Booliska.
