Booliska Soomaaliya ayaa sheegay in ay si adag u baari doonaan falkii shalay ka dhacay magaalada Kismaayo, kaas oo ay sheegeen in uu ku dhintay Sarkal katirsan ciidanka. Taliska ciidanka booliska Soomaaliyeed ayaa si cad u cambaareeyay falkii foosha xumaa ee shalay dhacay, isagoo sheegay in baaritaan dheeraad ah lagu sameyn doono dhacdadaas.
Qoraal kasoo baxay Taliska Booliska ayaa lagu sheegay: “Taliska waxa uu wada baaritaan dheeraad ah oo ku saabsan sida ay u dhacday shaqaqadaas, taas oo sarkaalkaas ku nafwaayay. Waxaa lala tiigsan doonaa cid kasta oo ku lug yeelata dhacdadan, waxaana laga qaadi doonaa talaabo adag.†Booliska ayaa sidoo kale xusay in aysan ogolaan doonin in qof kastaa uu si sharcidarro ah ugu lug yeesho dhacdooyinka noocan oo kale ah, isla markaana tallaabooyinka sharciga waafaqsan la qaadi doono.
Shalay, magaalada Kismaayo waxaa ka dhacay dagaal u dhexeeya ciidanka Jubbaland iyo ciidan kale oo uu watay Senator Ilyaas Gaboose, oo dhowaan lagu doortay magaaladaas. Dagaalka ayaa sababay khasaaro, waxaana si gaar ah looga naxay dhimashada sarkaalka ka tirsan ciidanka, iyadoo xaaladda magaalada ay noqotay mid aad u kacsan.
Xaaladda siyaasadeed ee Kismaayo ayaa sidoo kale muran xooggan ka dhex abuuray, iyadoo doorashooyin is barbar yaac ah ay ka socdaan magaalada. Waxaa lagu wadaa in berrito, maalinta xigta, ay dhici doonto doorasho kale oo muhiim ah, taas oo la filayo in Madaxweyne Axmed Madobe uu isku caleema saaro, kadib markii uu si weyn u tartamay kursiga madaxweynaha ee Jubaland.
HOOS KA AKHRISO WARQADA KASOO BAXDAY BOOLISKA
