Booliska Gobolka Banaadir oo gacanta ku dhigay burcad dad shacab ah dhacayay

Ciidanka Booliiska Soomaliyeed oo Gacanta Ku soo Dhigey Koox  Burcad ah oo Taleefoono ka Dhacdey  dad Rayid ah, kadib howlgal qorsheysan oo ay ka fuliyeen xaafado ka tirsan Magaalada Caasimadda ah ee Muqdisho.

Qaraal kasoo baxay Ciidanka Booliska Gobolka Banaadir ayaa lagu sheegay in Ciidanku ay gacanta ku dhigeen burcad dhacayay Telefoonada Gacanta, waxaana Ciidanku ay howlgalka ka fuliyeen Degmada Heliwaa ee Gobolka Banaadir.

“Saaka Taariikhda 13-05-2024  abaaro  07:30 Am Ayaa Waxaa Muwaadiniin Soomaaliyeed  Lagaga Dhacay Telefoonada Gacanta Degmada Heliwaa . Dhibanayaashii Waxay Degdeg Ula Xiriireen  Xarunta Gurmadka Degdega ayagoo toos u wacay nambarka Gaaban  991  Kuna war geliyey In La dhacay.  Xarunta Gurmadka  ayaa Sitoos ah u Howl gelisay Ciidanka Boliiska ee  u dhawaa goobta dhaca laga Geystey” ayaa lagu yiri Qoraalka kasoo baxay Booliska.

Sidoo kale Qoraalka waxaa lagu sheegay in Ciidanku ay gurmadeen, kadib markii ay heleen xogta koox burcad ah oo dhac ka waday qaybo ka mid ah Xaafadaha Degmada Heliwaa.

“Waxaan Si degdeg ah ugu Gurmaday  Saldhigga Boliiska Heliwaa Kaas oo  Raad Raac kadib Gacanta Ku soo Dhigey  Toogadii iyo Mooto Bajaaj ay Wadteen  Waxaana lagu haayaa Saldhigga Heliwaa baaris ayaa socota waxaan la horgeydoonaa maxkamada ay Quseyso”