Magaalada Muqdisho saaka waxaa ka billawday bannaanbax ballaaran oo looga soo hor jeedo damaca Itoobiya ee ku aaddan badda Soomaaliya, waxaana haatan billawday isku soobaxii ugu weynaa.
Aroornimadii hore ee Saaka ayaa si weyn looga dareemay caasimadda, waxaana waddooyinka muhiimka ah lasoo dhoobay Ciidamo farabadan, kuwaasi ka qayb qaadanaya ammaanka guud.
Qaybaha kala duwan ee bulshada ayaa ka qayb galaya bannaanbaxa, waxaana saaka aroornimadii hore dadkii ugu badna isugu imaadeen tallaada daljirka Daahsoon, halakasi oo lagu arkayay boqolaal shacab ah oo ka caraysan damaca Itoobiya ay ku doonayso badda Soomaaliya.
Bannaanbaxa ugu weyn ayaa qaban qaabadisu waxaa ay ka socotaa haatan Garoonka kubadda Cagta ee Eng.Yariisow, halkaasi oo dadku ay isugu tagi doonaan.
Ammaanka guud ee garoonka ayaa la adkeeyay, waxaana haatan kusii qulqulaya kumannaan shacab ah, oo aad kaga caraysan faragalinta ay itoobiya ku sameysay qaranimada Soomaaliya.
Masuuliyiin kala duwan ayaa la filayaa inay ka qayb galaan banaanbax, kuwaasi oo shacabka khdubado u jeedin doona, maamulka Gobolka banaadir ayaana wada qaban-qaabada iyo dardargalinta bannaanbaxa saaka ka socda Caasimadda.
