Dowladda Kenya ayaa maareyn la’ inay ka hortagaan Weeraradda Joogtada ee ay Alshabaab ka fuliyaan gudaha dalkaasi, gaar ahaan Deegaanadda ku teedsan Xuduudka ay la wadaagaan Somalia oo uu dhererkiisu dhan yahay 682 Kiilomitir.
Taliyaha Boliska Kenya, Joseph Boinnet ayaa sheegay inay Alshabaab bedeleen Taatikada dagaalka, isla markaana ay bilaabeen inay wada beegsadaan Saraakiisha Ammaanka iyo dadka rayidka ah.
Hadalkiisa ayaa yimid, kadib, markii ay Alsshabaab ddhawaan weerareen Saldhig Bolis oo ku Deegaanka Diif, halkaasi oo ay Alshabaab u itaal sheegteen Ciiddankii ku sugnaa.
Weerarkaasi ayaa ah kii labaad ee ay Alshabaab sannadkan gudihiisa ku qaadaan Saldhigga Boliska ee Diif
Warbixin ka soo baxday Xarunta Dhexe ee Boliska Kenya ayaa lagu sheegay inay Alshabaab u itaal sheegteen Saraakiisha Boliska ee joogtay Diif, isla markaana ay Alshabaab qaateen ugu yaraan 20 qori iyo 13,300 oo rasaas ah.
Qoryaha la qaatay ayaa la sheegay inay ka mid yihiin 3 qoryaha Boobayaasha, qoriga G3, hal nooca M60 iyo 3 qori nooca AK 47
Dhinaca kale, Xildhibaanka laga soo doorto Wajeerta Koonfureed, Abdillahi Diirite ayaa ku eedeeyey inaysan Ciiddanka Kenya waxba ka qabanin weeraradda Alshabaab ka geystaan Mandera iyo Wajeer.
Waxa uu intaasi ku daray inay Guuto ka tirsan Ciiddanka Kenya ku sugan yihiin meel 8 KM u jirta Degmadda Diif, isla markaana aysan ka jawaabin Weeraradda Alshabaab.
