Afhayeenka Waaxda Gaashaandhigga Maraykanka ee The Pentagon, Captain Jeff Davis ayaa u sheegay Wakaalladda Wararka REUTERS inay Xuutiyiinta ku fashilmeen Labo Gantaal oo ay ku duqeyn lahaayeen Markabka USS Masoon ee ay ku rakiban yihiin Gantalada la hago ee wax burburiya.
Ciiddanka Badda ee la socday Markabkaasi ayaan ka jawaabin Gantalldda looga soo tuuray Gacan-biyoodka Babal-mandab oo ka baxsan Xeebaha Koonfurta Yemen.
Dhinaca kale, Telefishinka Dowladda Sacuudiga ayaa baahiyey inay Maleeshiyadda Xuutiyiinta Gantaal ku duqeeyeen magaalldda Daa’if ee Sacuudiga,
Telefishinka Al-masirah ee taabacsan Xuutiyiinta ayaa sheegay inay Gantaalka VOLCANO 1 ku duqeeyeen magaalldda Daa’if, iyadoo Gantaalkaasi wax ka duqun karo in ka badan 520-KM.
Isbuucii la soo dhaafay, Maleeshiyadda Xuutiyiinta Yemen waxay wxyeelo gaarsiiyeen Markab laga leeyahay dalka Imaaraadka Carabta, kaasi oo qeyb ka ah Hawlgalka Isbahaysiga Sacuudiga ee dagaalka kula jira Maleeshiyadda Xuutiyiinta Yemen.
©Radio Dalsan
