Sida ku cad bayaankan geesinimada leh, mas’uul sare oo ka tirsan milatariga Iiraan ayaa sheegay in nidaamka Israel aysan haysan doorasho kale marka laga reebo inay aqbalaan heshiis hakinta dagaalka oo ay la galaan Hamas.
Wuxuu carabka ku adkeeyay in dhaq-dhaqaaqa kasoo horjeeda Israa’iil ee Falastiiniyiinta, oo ku saleysan Gaza, ay sii wadi doonaan halgankooda si ka go’aan adag markii hore.
“Inkasta oo weerarro xadgudub ah oo aan kala sooc lahayn ay ka socdaan xoogagga Zionistka ee ka dhanka ah dadka Gaza, haddana waxa guusha ka soo baxay kuwa geesiga ah ee dagaalyahanada Hamas,” ayuu yiri General Birgadeer Abolfazl Shekarchi, oo ah ku xigeenka taliyaha guud ee ciidamada Iiraan ee arrimaha dhaqanka iyo software-ka.
Wuxuu intaas ku daray in ciidamada Israel ay qaadeen guuldarro weyn oo dagaalka ah, taasoo ugu dambeyntii ku qasbeysay inay aqbalaan heshiiska hakinta dagaalka.
Saacadihii lasoo dhaafay waxaa dhaqan galay is weydaarsiga maxaabiista iyo la heystayaasha ay isku kala wareejiyeen Isra’il iyo Xamaas.
Dhanka Falastin, magaalada Ramallah, waxaa gaaray ku dhawaad 100 qof oo Falastiinyiin ah oo laga soo daayay xabsiyada Isra’il kuwaas oo ay Isra’il ku baddalatay 3 la heyste oo ay shalay sii daayeen Xamaas.
