Hey’adaha amniga Jubaland ayaa gacanta ku dhigay haweenay dilay ninkeedii hore, oo ay u dhashay lix carruur ah, falkaas oo ka dhacay Xaafadda Farjano, gaar ahaan waaxda Dalxiiska ee magaalada Kismaayo. Haweenaydan, oo lagu magacaabo Sahra Xuseen Maxamed, ayaa la sheegay in ay masuul ka ahayd dilka ninkeeda, Cabdullaahi Cabdirahmaan Abuukar, ka dib markii ay u dartay sun cabitaan uu geeriyooday.
Ciidanka ammaanka ayaa kadib howgal iyo baadi goob saacado qaatay, gacanta ku soo dhigay haweenayda, taasoo la rumeysan yahay in ay maseersanayd markii ay falka geystay. Dad goob-joogayaal ah ayaa xaqiijiyay in ninkii uu geeriyooday kadib markii uu cabay cabitaankii ay sunta ku dartay.
Falka ayaa abuuray layaab iyo argagax bulshada magaalada Kismaayo, gaar ahaan xaafadda Farjanno, iyadoo bulshada ay si weyn uga naxday dhacdadan naxdinta leh. Hay’adaha Caddaaladda ayaa sheegay in Boolisku ay haweenayda u soo taagi doonaan cadaaladda, iyadoo horey loogu soo bandhigi doono maxkamad.
Dilka haweenaydan iyo xaaladda ka dhalatay waxay kor u qaadayso dareenka dadka ku nool magaalada Kismaayo, iyagoo weli ka sii naxaya dhacdadan murugada leh.
