Wasiiru dowlihii Madaxtooyada Galmudug Cumar Shiddo ayaa shaaciyay inuu iska casilay Xilkii uu ka hayay Maamul Goboleedka Galmudug, waxaana maanta oo ay taariikhdu tahay 19 August 2024 uu gudbiyay warqada Is Casilaadda xilka Wasiiru Dowlaha madaxtooyada Galamudug uu hayay mudadii ay dhisneyd Xukuumada Madaxweyne Axmad Cabdi Kaariye Qoor Qoor.
HOOS KA AKHRISO WARQADDA IS CASILAADDA
Waxaan maanta oo ay taariikhdu tahay 19 August 2024 halkaan ku soo gudbinayaa warqada Is Casilaadeyda xilka Wasiiru Dowlaha madaxtooyada Galamudug oo aan hayay mudadii ay dhisneyd Xukuumada Madaxweyne Axmad Cabdi Kaariye Qoor Qoor. anigoo aminsan in aan si hufnaan iyo daacadnimo ku jirto ugu adeegay Shacabka Reer Galmudug, isla markaana ilaaliyey mas’uuliyadii ballaarneyd ee madaxda Galmudug igu aamineenâ€
Go”aanka is Casilaadeyda oo aan hab qoraal ah ugu gudbiyay madaxweyne Qoor Qoor ayaa waxa uu ku saleysan yahay arrimo aniga ii qaas ah. Waxaana uga mahadcelinayaa Kaabaheygii hore fursada uu ii siiyay inaan u adeego shacabka Galmudug, waxaana ugu adeegi doonaa reer Galmudug aniga oo xil haya ama aan heynin.
Sidaas owgeed, waxaan mar kale cadeynayaa in aan Iska Casilay xilka wasiiru dowlaha Madaxtooyada.
Ugu dambeyn, waxaan u rajeynayaa bulshada reer Galmudug in ay ka shaqeeyaan nabadda iyo xasilloonida dhexdooda ah, ayna ka baaqsadaan dagaalada dhiigu ku daatay ee u dhaxeeya beelaha walaalaha ah.
Wabillaahi Towfiiq
Cumar Shido
