Guddoomiyihii Golaha Shacabka ee dhawaan is casilay ayaa ka hadlay warar leyska dhex marayay Baraha Bulsahda kuwaas oo lagu sheegayey in guddoomiye Jawaari uu lacago Malaayiin dollar ah uu ku qaatay in uu iska casilo xilka guddoomiyenimo.
Mudane Jawaari oo khudbad ka jeedinayey Kulankii Maanta ee Golaha Shacabka ayaa sheegay in Warkaas uusan waxba ka jirin,isla markaana in uu xilka baneeyo ay ka wada hadleen Madaxweyne Maxamed Cabdullaahi Farmaajo,.
“Runtii waxan rabaa in aan cadeeyo in aan waxba ka jirin wararka baraha Bulshada lagu faafiyey ee ah in aan xilkeygii dhaqaalo ku iibsaday,waxana arrinkaasi ka dambeeye kuwa Alle ka cabsiga ku yar yahay,laakin waxan sheegaya in asyan dahqaalo igu siin dowladdeyda iyo dowlad kale intaba balse aniga iyo madaxweynaha aya isku raacnay xilka tegisteyda wuxuuna ii balan qaaday in uu iga talo gelin doono arrimaha masiiri u ah dalkeena ayuu yiri Jawaari.
Sidoo kale waxa uu sheegay in waxyaabaha baraha Bulshada lagu faafinayo ay yihiin kuwo lagu sumcad dilayo Madaxda iyo culima’udiinkeena,isla markaana uu ka codsanayo Shacabka Soomaaliyeed in la daayo waxyaabaha xumaanta ah ee Baraha Bulsahda lagu faafinayo.
Hadalka guddoomiyihii golaha Shacabka Soomaaliya ayaa ku soo aadaya xili tan iyo markii ay soo baxday is casilaadii Jawaari Baraha Bulshada iyo Wabsite-yada lagu faafinayey in xilka uu uga tegay lacago uu qaatay.
Hoos Ka Dhageyso Codka guddoomiyaha Golaha Shacabka.
