Dagaalame ka tirsanaa Al-shabaab ayaa isku soo dhiibey Ciidanka Booliska dowladda Federaalka Soomaaliya gaar ahaan qeybta 60-aad ka howlgasha Koonfur Galbeed, kaddib markii uu xiriiro lasoo sameeyay Saraakiisha Ciidanka.
Ninka isa soo dhiibay oo lagu magacaabo Cismaan Abii bakar Maadey oo loo yaqaano Cabdullaahi ayaa sheegay inuu ka qeyb qaatay dagaalo dhowr ah oo ka dhacay Gobolka Bakool, wuxuuna sababta ku kaliftay inuu ka soo baxo Al-Shabaab ku sheegay dhibaato uu la kulmay.
Sidoo kale, Cismaan Abii Bakar ayaa baaq u diray saaxiibadiisa wali ku jira Shabaabka in ay ka soo baxaan oo qeyb ka noqdaan ciidamada Xoogga, isagoona Warbixino kala duwan ku bixiyey wareysi ay la yeesheen Saraakiisha Ciidamada 60-aad ka ee xoogga.
Si kastaba Saraakiisha dowladda ayaa horey u soo bandhigay Saraakiil iyo xubno ka tirsanaa Al-shabaab oo isku dhiibay Ciidanka dowladda ee ku sugan Gobolada dalka, halka Shabaabka dhankooda ay soo bandhigeen Ciidamo ay sheegeen inay goosteen dowladda.
