Wararka aan ka heleyno Magaalada Cadaado ee Gobolka Galgaduud ayaa waxa ay sheegayaan in Caawa halkaasi ay ka taagan tahay Xiisad u dhexeeysa Ciidanka nabadsugida Galmudug iyo Maleeshiyaad hubeysan.
Ciidamada nabadsugida maamulka Galmudug iyo Maleeshiyaadka hubeysan ayaa waxaa la sheegay inay isku heystaan Xarunta Madaxtooyadda Galmudug ee Cadaado,isla markaana ay is hor fadhiyaan.
Maleeshiyaadka ayaa waxaa la sheegay in ay diidan yihiin inay wareejiyaan amniga Xaruntaasi kuna wareejiyaan Ciidanka nabadsugida,maadaama muddooyinkii dambe ay gacanta ku haayeen.
Wariyaha Warbaahinta Dalsan ee ku sugan Magaalada Cadaado ayaa soo sheegaya in mararka qaar Caawa gudaha Cadaado laga maqlayo rasaas dhaceysa,isla markaana ay taagan tahay Xiisad u dhexeeysa Ciidanka nabadsugida Galmudug  iyo Maleeshiyaad hubeysan.
Sidoo kale Goobaha ganacsiga ee ku yaalla Xaafaddo ka tirsan Magaalada Cadaado ee Gobolka Galgaduud ayaa Caawa la sheegayaa inay xiran yihiin oo dad qaarkood ay isaga xaroodeen guryadooda.
