Madaxweynihii hore ee Somalia Xasan Sheekh Maxamuud ayaa si adag uga dalay doorashada la filayo in dalka ay ka dhacdo marka la gaaro 2020 iyo 2021,isaga oo muujiyay walaac uu qabo sida doorashadu ay waqtigeeda ugu dhici karto.
Waxa uu sheegay iyada oo baarlamaanka Soomaaliya ay ka doodayaan Sharciga doorashooyinka in hadana dadka aqoonta u leh odoroska siyaasadda in ay sheegayaan doorashadu in aysan waqtigeeda ku dhici Karin ku dhawaad 6-bilna ay dib u dhaceyso iyada oo ay ka dhigantahay sida uu yiri muddo kororsi aan cadeyn sababta ka lifaysa.
Dhinaca kalana waxa uu sheegay muddo kororsiga hay’adaha dowladda qaarkood in ay ka hor imaanayso Dastuurka dalka,waxaana uu sheegay in uusan garanayn dhibaatooyinka keenaya dib u dhacaas iyada oo doorasho ay ka dhacday dalka iyada oo dalka ay ka socdeen dagaalo.
Ugu dambeyntii Xasan Sheekh Maxamuud madaxweynihii dowladda fedraalka aheyd ayaa sheegay in madaxda hay’adaha dastuuriga iyo golayaasha kala duwanba looga fadhiyo doorasho waqtigeeda ku dhacda.
