Magaalada Cadaado ee Gobolka Galgaduud ayaa Maanta waxaa Shir ku yeeshay Waxgaradka iyo Odayaasha dhaqanka reer Cadaado,iyadoo kulanka kadib soo saaray Go’aan ku aadan Shirka lagu wado inuu ka furmayo Magaalada Dhuusamareeb.
War-saxaafadeed ka soo baxay Waxgaradka Cadaado ayaa waxaa lagu sheegay in cid ka wakiil ah aysan u dirsan Magaalada Dhuusamareeb,isla markaana uga qeyb galeysa Shirka dib u heshiisiinta Galmudug,kaasi oo qorshihiisa ay wado dowladda Soomaaliya.
Sidoo kale Odayaasha Cadaado ayaa sheegay in shirkaas aysa ka qeyb geli doonin ilaa iyo inta laga xalinyo Cabasho ay qabaan,iyagoona Caddeeyay in shirkaas aysan uga maqneyn tabasho ay u qabaan Beelaha degan deegaanada Galmudug.
Warka soo baxay Waxgaradka iyo Odayaasha dhaqan reer Cadaado ayaa waxaa kusoo aadayaa,iyadoo shalay Magaalada Dhuusamareeb ay gaareen Ergado ka socota Cadaado,isla markaana la sheegay in beelaha dega halkaas ay ku matali doonaan Shirka dib u heshiisiinta Galmudug oo ay Gogashiisa taallo Magaalada Dhuusamareeb.
Si kastaba Wasiirka Arrimaha gudaha fereraalka iyo dib u heshiisiinta Soomaaliya, Cabdi Maxamed Sabriye, ayaa ku dhowaaqay in shirka dib u heshiisiinta Galmudug uu furmin doono Maalinta Arbacada ah oo ku beegan 4-ta Bishan Septembar.
