Wasiirka Beeraha ee Yuhuudda, Uri Aryel oo ay wehliyaan ila 170 Yuhuudda xoogga lagu dejiyey dhulalka la-haysto ee Reer Falastiin waxay maanta xoog ku galeen Masjidka Al-aqsa ee Bariga magaalladda Quddus-ta L-haysto.
Sarkaal u hadlay Maamulka Falastiin ayaa sheegay in Wasiirkaasi iyo dadkii la socday ay Masjidka Al-aqsa ku dhigteen Dabaaldegga dadka Yuhuudda ee Passover.
Askar ayaa gelbinaysay Wasiirka iyo dadkii la socday, waxayna Kooxaha Yuhuudda ugu baaqeen Taageerayaashooda inay ku kulmaan dhismaha Masjidka Al-aqsa muddada halka 7-aad ee ay u dabaal degayaan Munaasabad-diimeedkooda ee Passover.
Sannadkii la soo dhaafay, xilligan oo kale, in ka badan 1,500 qof o oYuhuudda la dejiyey dhulalka la-haysto ee Reer Falastiin waxay xoog ku galeen Dhismaha Masjidka Alaqsa oo ay ku sugnaayeen muddadii ay socotay dabaal-degooda.
Yuhuudda waxay qabsadeen Bariga magaalladda Quddus muddadii uu socday dagaalkii Bariga Dhexe ee sannadkii 1967-kii, balse waxay sannadkii 1981-kii sheegteen inay Quddus tahay Caasimadda Yuhuudda, balse tallaabadaasi marnaba ma aqoonsanin Beesha Caalamka.
