Madaxweyne Ku-xigeenka Maamulka Puntland ahna ku Simaha Madaxweynaha Maamulkaas Cadixakiin Xaaji Cabdullahi Cumar Camey ayaa xeer Lr-19 September 13 2017, xilka kaga qaaday Wasiirru Dawlihii Madaxtooyada ee Xirirka Gobolada Puntland.
Wasiirka xilka laga qaaday ayaa Shalay Wareysi uu bixiyay waxa uu dowladda Soomaaliya ku taageeray Go’aankii ay ku wareejisay Cabdi Kariim Muuse Qalbi Dhagax.
Hoos ka Akhriso Wareegtada Xilka qaadista
Madaxweyne Ku-xigeenka Dawladda Puntland.
Markuu Arkay: Dastuurka Dawladda Puntland.
Markuu Arkay: Habdhaqan lidka ku ah Hannaanka Dawladnimo.
Markuu Garawsaday: Mas’uuliyad darrada uu ku kacay.
Wuxuu Xeeriyey:
Wuxuu xilkii ka qaaday Wasiiru Dawlaha Madaxtooyada ee Xiriirka Gobolada Puntland Bashiir Cabdiraxmaan Xaaji Gurxan.
Xeerkani Wuxuu dhaqan-gelayaa Markuu Madaxweyne Ku-xigeenka Saxeexo, wuuna saxeexay Madaxweyne Ku-xigeenku
