Waxaa Saakay Isbitaal ku yaala dalka india ku geeriyooday Allaha u Naxariistee Wariye Axmed Maxamed Cali (Axmed Kismaayo) oo horay ugu soo Shaqeeyay Idaacadda BBC,da laanteeda Afka Soomaaliga.
Axmed Kismaayo ayaa mudooyinkii u dambeeyay xanuunsanayay iyada oo Xaalada Caafimaad darteed loo geeyay dalka India balse saakay ugu dambeyn uu u geeriyooday Xanuunka hayay.
Axmed Kismaayo ayaa sidoo kale horay u soo noqday gudoomiyaha Guddiga doorashooyinka Maamulka Puntland,balse markii dambe uu xilkaas iskacasilay xili ay socotay doorashada Xildhibaanada Golaha shacabka qeybta Puntland ka soo gashay.
Geerida Marxuumka ayaa waxaa ka tacsiyadeeyay masuuliyiin ka tirsan Maamulka Puntland iyaga oo sheegay in uu ahaa Nin dadaal badan dadkuna ay jeclaayeen.
