Kadib weerar xalay dagaalyahano ka tirsan Al-Shabaab ay ku soo qaadeen degmada Afgooye ee Gobolka Shabeellaha hoose,isla markaana halkaasi uu ka dhacay dagaal dhexmaray  Ciidamada dowladda Al-Shabaab ayaa waxaa faah faahin dagaalkaas ka bixiyay Taliska Booliska degmadaas.
Dagaalka oo mudo socday,ayaa waxaa ka dhashay khasaaro isugu jira dhimasho iyo dhaawac,iyada oo bulshada degmada Afgooye qaarkood ay sheegeen in xalay ay cabsi soo wajahday.
Taliyaha Saldhigga Booliska Afgooye ayaa sheegay in ay iska difaaceen weerarkii uga yimid dhanka Al-Shabaab oo uu dagaal dhexmaray mudo aan ka badneyn mudo 10 daqiiqo ah sida uu hadalka u dhigay.
Wareysi uu siiyay Radio Dalsan ayuu sheegay in weerarka kaga imaanayay dhanka Al-Shabaab ay ka warhayeen,isla marakaan u diyaar garoobeen taas oo keentay in ay dilaan Saddex ka mid ah dagaalyahanadii Al-Shabaab ee weerarka ku soo qaaday.
Sikastaba degmada Afgooye ayaa noqotay mid ay ku soo bateen weerarada kaga yimaada dhanka Al-Shabaab,iyada oo maamulka degmada iyo talisyada Ciidamada ay sheegeen in dhawaan tuulooyinka Afgooye hoostaga ay ka saari doonaan.
Hoos Ka Dhageyso Codka Taliyaha Saldhiga Afgooye.
