Warar dheeraad ah ayaa kasoo baxaya Qaraxii Maanta lagu dilay Guddoomiyihii Degmada Awdheegle ee Gobolka Shabeellaha Hoose Maxamed Aweys Abuukar oo loo yaqaanay Maxamed Yarow.
Qaraxaas oo ahaa miino nooca dhulka lagu aaso ah ayaa waxaa Gaariga uu la socday Guddoomiye Yarow lagula eegtay xili uu socdaal ku marayay inta u dhexeeya deegaanka Sabiib iyo Degmada Awdheegle ee Shabeellaha Hoose.
Sidoo kale qaraxa uu ku dhintay Guddoomiyihii Awdheegle ayaa waxaa dhaawac uu kasoo gaaray saddex Askari oo ilaalo u ahaa, kuwaasi oo la socday gaariga uu qaraxu haleelay.
Guddoomiyaha Gobolka Shabeellaha Hoose Ibraahim Cali Aadan Najax ayaa xaqiijiay geerida Maxamed Yarow, isagoona Degmada Awdheegle Guddoomiye ka ahaa lixdii sano ee lasoo dhaafay.
Goobta uu falka ka dhacay ayaa waxaa gaaray Ciidamo ka tirsan kuwa Maamulka Degmada Awdheegle, iyagoona halkaasΓΒ ka soo qaaday Meydka iyo Askartii dhaawaca uu soo gaaray, kuwaasi oo la geeyay degmadaas.
Ilaa iyo hada ma jirto cid sheegatay MasΓ’β¬β’uuliyada qaraxaas, hayeeshee qaraxyada noocaan oo kale ah ayaa waxaa inta badan sheegta Al-shabaab.
