Warar dheeraad ah ayaa kasoo baxaya Qaraxii Ismiidaaminta ahaa ee saakay ka dhacay Isgoyska Ex- Koontarool Afgooye ee Magaalada Muqdisho, kaasi oo geystay Khasaaro isugu jira dhimasho iyo dhaawac iyo burbur hantiyadeed.
Qaraxaas oo ahaa mid aad u xoogan ayaa ka dhacay xili Isgoyska Ex- Koontarool Afgooye ee Muqdisho uu ka jiray Mashquul badan, waxaana halkaas ku sugnaa gaadiid ay saarnaayeen dad shacab, xoogsato iyo Arday u socotay goob Waxbarasho.
In ka badan 20 ruux ayaa si hordhac ah loo xaqiijiyay inay ku dhinteen qaraxaas, halka 15 qof kale ay ku dhaawacmeen, waxaana la sheegayaa in dadkaas ay ku jiraan Arday badan oo Jaamacad u socday, waxaana gaarigii ay saarnaayeen ardaydaasi uu noqday mid gubtay.
Sidoo kale dadka waxyeelada kasoo gaartay qaraxaas ayaa waxaa ku jira Injineero Turki ah, kuwaasi oo wararka qaar ay sheegayaan inay goobta ku geeriyoodeen, waxaana weli socda gurmad xoogan.
Isbitaalada ku yaalla Magaalada Muqdisho ayaa la dhigay dadkii dhaawacyada ay soo gaareen, waxaana sidoo kale goobta ku burburay gaadiidka noocyadiisa kala duwan, iyadoona ay ku gubtay kaalin Shidaal oo halkaas ku taallay.
Ilaa iyo hada ma jiro wax war ah oo kasoo baxay laamaha amniga dowladda Federaalka Soomaaliya oo ay uga hadlayaan qaraxii saakay ka dhacay Isgoyska Ex- Koontarool Afgooye ee Muqdisho, kaasi oo loo adeegsaday gaari laga soo buuxiyay waxyaabaha qaraxa
