Wasiir ku-xigeenka Wasaaradda Xanaanada Xoolaha dowlad Goboleedka Hirshabeelle Xildhibaan Xasan Cali Cabdulle iyo wafdi uu hoggaaminayo ayaa Maanta waxaa ay ku wajahan yihiin degmada Buulo-burte ee Gobolka Hiiraan.
Ujeedka wafdiga ka socda Hirshabeelle oo ay qeyb ka yihiin Odayaal iyo xubno kale ayaa waxaa uu yahay sidii ay u xalin lahaayeen xiisad dagaal oo maalmihii lasoo dhaafay ka taagneyd degmada Buulo-burte.
Wasiir ku-xigeenka Wasaaradda Xanaanada Xoolaha Maamulka iyo Mas’uuliyiin kale oo la socda ayaa kulamo kala duwan la qaadan doona Maamulka Buulo-burta iyo Odayaasha dhaqanka degmadaas, iyagoona kala hadli doona sidii xal buuxa looga gaari xiisada ka taagan halkaas.
Xiisadaan dagaal ayaa ka dhalatay, kadib markii Ciidanka amniga Buulo-burte ay xireen rag hubeysan oo maleeshiyaad ah, kuwaasi oo weerar ku qaaday Saldhiga Magaalada, uuna halkaas ka dhacay dagaal kooban oo labada dhinac dhexmaray.
Ciidanka amniga ayaa gacanta ku dhigay ku dhawaaq14 kamid ah maleeshiyaadka, halka kuwo kalena u yeeray markii ay xaalada degtay, kadibna xabsiga dhigay, waxaana xariga raggaas loo geystay ka xumaaday Odayaasha dhaqanka degmadaas.
