Farah Maxamed Shirdoon oo ah Muwaadin Somali-Canadian ayaa lagu daray Liiska Maraykanka ee Baadi-goobka xubnaha ka tirsan Kooxaha loogu yeero Argagixisadda.
Hadal-qoraal oo ay Waaxda Arrimaha Dibedda ee Maraykanka soo saartay bishan 13-dii ayaa lagu sheegay in Farah Mohamed Shirdon yhay Nin dadka u tashkiiliuya Ururka Daacish.
Farah Mohamed Shirdon iyo Nin kale oo asalkiisa yahay Syrian, balse haysta dhalashdda Canada, laguna magacaabo Taariq Sakar ayaa lagu daray Liiska Maraykanka ee dadka ugu doonista badan ee Kooxaha Argagixisadda (The most wanted U.S. terror list).
Wargeyska Toronto Star ee dalka Kanada ayaa qoray inay Dowladda Maraykanka sheegtay inay Labadaasi Nin khatar ku yihiin Ammaanka Maraykanka, Muwaadiniintooda ama Dhaqaalahooda, isla markaana ay faraha kula jiraan Abaabulka falal Argagixiso, waa sida lagu xusay Qoraalka ka soo baxay Waaxda Arrimaha Dibedda ee Maraykanka.
Farah Mohamed Shirdoon oo degganaa Gobalka Alberta ee dalka Canada ayey Maraykanka ku eedeeyeen inuu Daacish ugu qaabilsan yahay Askaraynta iyo Dhaqaalaha
Farah Shirdoon oo 24-jir waxay Ciiddanka Boqortooyadda Canada ee RCMP ku soo oogeen bishii September ee sannadkii 2015-kii lix kiis oo ay ka mid yihiin inuu ku biiray Koox Argagixiso, inuu dadka ku dhiiri-geliyo inay u soo safraan dalka Syria, kuna biiraan Kooxdaa Daacish
Dowladda Kanada waxay kaloo sheegtay inuu Farah Mohamed Shirdon uu u hanjabay Dadka Canadian-ka, wareysi bishii September ee sannadkii 2014-kii siiyey Warbaahinta Vice Media.
Farah Mohamed Shirdon waxa uu Canada ka ambabaxay bishii March 14-dii ee sannadkii 2014-kii, isagoo aaday dalka Syria.
Warar been noqday ayaa ahaa in isla sannadkaasi lagu dilay duqeyn ka dhacday dalka Syria.
Maraykanka ayaa sheegay inuu Farah Mohamed Shirdon ku sugan yahay magaalladda Raqa ee Xarunta Dhexeu ah Kooxda Daacish bishii November ee sannadkii 2015-kii.
Waaxda Arrimaha Dibedad Maraykanka waxay sheegeen in Farah Mohamed Shirdon had iyo jeer isticmaalo naanaysta Abu Usaama Al-somali.
©Radio Dalsan
Â
