Nin gaari xamuul waday ayaa la sheegay inuu xalay gaari jiirsiiyey dad ka qeyb galayey Dabaaldega Maalinta Qaranka Faransiiska ee Bastille Day, oo lagu qabtay magaalladda Niis, waxaana halkaasi lagu dilay 80 qof, laguna dhaawacay 100 kale.
Boliska ayaa la sheegay inay toogteen Dareewalka oo ahaa Muwaadin Faransiis oo asal ahaan ka soo jeeda dalka Tunisia.
Waraaqaha Aqoonsiga ee Dareewalka oo 31 jir iyo waxyaabaha qarxa ayaa laga helay gaarigiisa.
Madaxweynaha Faransiiska, Faranswa Hollande oo ku sugnaa K/bari ee dalkaasi ayaa dib ugu soo laabtay magaalladda Paris, si uu uga qeyb Shirar looga hadlayo Xiisadaasi.
Weerarkaasi loo adeegsaday Gaariga ayaa dhacay saacado kadib, markii uu Madaxweyne Hollande sheegay in muddo 3 bilood lagu kordhinayo Xukunka Degdegga ee lagu soo dooray dalkaasi bishii November ee sannadkii hore.
©Radio Dalsan
