Taliyaha Ciidamada Xoogga Dalka General Odawaa Yuusuf Raage oo shalay gaaray Magaalada Dhuusamareeb ee Caasimadda maamulka Galmudug ayaa kormeer ku tegay Dugsiga har-qaboobe ee Guriceel oo ka mid ah Xeryaha tababarka Qaybta 21-aad.
Dugsiyaas ayaa waxaa in muddo ah uu tababar uga socday Ciidamo Cusub oo loo diyaarinayo howlgal ka dhan ah Al-shabaab oo ay ka fulin doonaan deegaanada ay shabaab kaga sugan yihiin Galmudug.
Taliyaha Qaybta 21-aad Gen. Qooje, Taliye ku-xigeenka qeybta iyo Taliyaha Dugsiga ayaa warbixin ka siiyay xaalada Ciidamada xeradan ku jira, Taliyaha Xoogga iyagoo tilmaamey in lagu guulestay kasoo gudbida marxalado adag oo Ciidamadan lagu diyaarinayay.
Taliyaha Xoogga Gen: Odawaa Yuusuf Raage ayaa Ciidamada Dugsigan kujira iyo Saraakiishooda kula dardarmaay inay si toos ah u gutaan waajibaadkoosha shaqo, isla markaana ay ka faa’iideystan tababarka.
