Maleeshiyaad hubeysan ayaa xalay Magaalada burco ee Gobolka Togdheer ku dhaawacay Taliye ku xigeenkii ciidanka Booliska gobolka Togdheer Aadan Xuseen xili uu ku ugnaa Gudaha Magaalada Burco.
Maleeshiyaadkaan dhaawacay taliye ku xigeenka ayaa la sheegay in ay ahaayeen kuwo ka Ganacsada khamriga kuwaas oo doonayay in Magaalada ay xoog ku geliyaan khamriga balse taasi uu diiday islamarkan ay keentay in ay rasaas ku furaan.
Maleeshiyadkii dhaawacay taliye ku xigenka ayaa Goobta isaga baxsaday,iyadoo ciidamada Booliiska Magaalada burco ay sameeyeen howlgal ay ku baadi goobayaan.
Ma jiro war faah faah san oo Ciidanka Booliska iyo maamulka gobolka ka soo baxay balse xaalada Gobolka ayaa iminka degan ka dib buuq iyo jahawareer arintan ka dhashay.
