Muwaadinkaasi oo lagu magacaabo Omar Haji Mohamed ayaa la qabtay, xilli uu labo qof oo u dhalatay dalka Meksiko ka soo gudbinayey xuduudka Gobalka Arizona ee Maraykanka la wadaago dalka Meksiko.
Eedeysanaha oo la soo taagay Maxkamadda ayaa lagu soo oogay in gaarigiisa laga helay Labo Rakaab oo u dhashay dalka Meksiko, kuwaasi oo Boliska u xaqiijiyey inay siiyeen Kharaj si uu u soo geliyo Maraykanka.
Warbaahinta ABC15 News ee magaalladda Phoenix ayaa soo weriyey inay Labada nin ee u dhalatay dalka Meksiko sheegeen inay Mukhalasiin joogta hagayeen, una tilmaameen inay raacaan gaariga Eedeysanaha oo noociisu ahaa VOLVO SUV.
Dhinaca kale, Eedeysanaha ayaa la sheegay inuu ka hawlgeli jirey xuduudka dhinaca Maraykanka, halkaasi oo uu dadka si sharci-darro ugu soo gudbin jirey Maraykanka.
©Radio Dalsan Â
