Siyaasiga geeriyooday oo lagu magacaabi jirey Xuseen Barakaat oo 48-jir ah waxa uu ku xirnaan jirey Xabsiga ugu weyn dalka Baxrayn ee JAU.
Wasaaradda Arrimaha Gudaha ee dalka Baxrayn ayaa sheegtay inuu Siyaasigaasi oo ku xukunaa Xabsi Daa’in uu Xanuunka COVID 19 ugu geeriyooday Isbitaalka weyn ee Salmaaniyah oo ku yaalla caasimadda dalkaasi ee Manama.
Barakaat waxaa sanadkii 2018-kii isaga iyo 53 qof oo kale lagu xukumay Xabsi Daa’in, kadib, markii lagu soo oogay inay asaaseen Unug Argagixiso.
Sida laga soo xigtay Xaaskiisa waxay sheegtay in Wicitaanjkii u dambeeyey ee ay Saygeeda kula hadashjay uu u sheegay inuusan neefsan Karin oo uu dhimanayo.
Dhinaca kale, Wiilkiisa oo la xiray isagoo 16 jir, waxaa uu weli ku jiraa Xabsiga, isagoo lagu xukumay Xabsi 20 sano ah.
