Guddoomiye ku-xigeenada Maamulka Gobolka Banaadir ee Maamulka  iyo Maaliyadda, Howlaha Guud iyo Taliyaha Ciidanka Booliska Qeybta Guud ee Gobolka Banaadir ayaa kormeer amni ku tagay qeybo ka mid ah degmooyinka Dayniile, Yaaqshiid iyo Deegaanka Daarusalaam.
Madaxda Maamulka Gobolka Banaadir iyo Taliska Booliska ayaa waxa ay shir la qaateen Taliyeyaasha qeybaha iyo kuwa Saldhigyada 17 Degmo, iyadoona kulankaas uu socday saacado dhowr ah.
Shirka ayaa inta uu socday ayaa waxaa looga hadlay xaaladihii ugu dambeeyay ee Caasimadda dalka, sidii loo dardar-gelin lahaa howlaha sugida amniga Magaalada Muqdisho  iyo la shaqeynta shacabka.
Afhayeenka Maamulka Gobolka Saalax Xasan Cumar Saalax Dheere oo warbaahinta la hdlay ayaa waxaa uu sheegay in shirarka looga hadlayo amniga Caasimadda ay sii socon doonaan iyo howlaha kormeerka ee lagu sameeynayo degmooyinka Gobolka.
