Xoogaga Shabaab ayaa soo bandhigay magaca ninkii kaxeynaayay gaarigii ku qarxay meel ku dhaw madaxtooyada Somaliya Jimcihii la soo dhaafay, kadib weerarkii Shabaab ay ka gaysteen Magaalada.
Horay Shabaab waxa ay u soo bandhigeen qabiilka iyo magaca ninkii isku qarxiyay meel gaadiidka la dhigto Hotelka Dorpin ee Magaalada Muqdisho.
Maxamed C/raxmaan Cabdullaahi oo Shabaab dhexdiisa looga yaqaanay (Anas) ayaa wuxuu noqday ninkii ka xeynaayay gaarigii xoogga ku jiiray Koontaroolka Sayidka, kadibna ku qarxay afaafka hore ee Madaxtooyadda Somaliya.
Maxamed C/raxmaan oo ka soo jeeda deeganada Baay iyo Bakool, ayaa wuxuu ka dhashay Qabiilka Boqol hore ee deeganada Koonfur Galbeed.
Da’diisa waxa ay aheyd 21-sano jir, wuxuuna ka tirsanaan jiray dagaalyahanadii Al Shabaab ee ka hawlgali jiray magaalada Muqdisho, xilligii Shabaab furamaha dagaalka Shabaab ay ku lahaayeen Muqdisho.
Ninkaan ayaa gaarigii uu waday wuxuu ku qarxay meel aan sidaasi kaga fogeyn Madaxtooyadda Somaliya, kadib markii uu xoog ku soo jiiray Koontaroolka Sayidka ee ciidamada Militariga jooggaan.
