Munaasabadda oo ah mid lagu soo dhaweynayo taliye ku-xigeenka ciidanka booliiska Soomaaliya Cismaan C/llahi Maxamed  oo uu dhawaan magacaabay madaxweynaha Soomaaliya Maxamed C/llaahi Farmaajo waxaana ku sugan masuuliyiin kala duwan iyo saraakiil ciidan.
Munaasabadda oo ka socota xarunta tababarka ciidanka booliiska ee Jenaraal Kaahiye waxaa goobjoog ka ah wasiirka amniga taliyaha guud ee ciidanka booliiska Sareeye Gaas Cabdi Xasan Maxamed Xijaar guddoomiyaha maxakamadda darajada 1aad ee ciidanka qalabka sida guddoomiyaha gobolka Banaadir Cumar Maxamuud Maxamed Cumar Finish ra’isul-wasaarihii hore ee Somalia Cali Maxamed Geeddi taliyihii hore ee ciidanka Asluubta iyo saraakiil kale.
Munaasabaddaan ayaa masuuliyiintu waxa ay ka jeedin doonaan khudbado ay uga hadlayaan shaqada ciidamada Booliiska iyo waxyaabaha looga baahanyahay hogaanka cusub ee ciidanka booliiska Soomaaliya.
Madaxweynaha Soomaaliya Maxamed C/llaahi Farmaajo ayaa habeen ka hor magacaabay taliye ku-xigeenka ciidanka Booliiska Cismaan C/llahi Maxamed kaas oo ah nin dhalinyaro ah. 
