Warar dheeraad ah ayaa ka soo baxaya Qarax gaari oo Maanta ka dhacay Wadada Maka Al-mukarama ee Magaalada Muqdisho,kaasi oo geystay khasaaro Nafeed.
Qaraxa ayaa waxaa lagu soo xiray gaari nooca raaxada ah,waxaana uu qarxay xili uu marayay meel ku dhow Isgoyska KM-4,iyadoona xiligaas wadada ay marayeen gaadiid kala duwan oo ku jiray kan dadweynaha ay raacaan.
Gaariga qarxay oo daba socday gaari kale ayaa waxaa qabsaday dab xoogan oo qiiqa iyo uurada ka kabxday laga arkayay degmooyinka ka tirsan Gobolka Banaadir,waxaana goobta gaaray Gaadiida gurmarka deg deg ah iyo kan Dab-damiska.
Ugu yaraan 1 ruux oo dhalinyaro ahaa oo watay gaariga qarxay ayaa ku geeriyooday,halka waxyeelo ka soo gaartay dad shacab ah oo saarnaa gaari Homey ah wadada marayay.
Ciidamo ka tirsan kuwa Booliska Soomaaliya ayaa tegay goobta uu qaraxa ka dhacay ,kuwaasi oo xiray halkaasi,isla markaana markii dambe dib u furay.
Degmada Hodan ee Gobolka Banaadir ayaa shalay sidaan oo kale qarax lagu soo xiray gaari uu ka dhacay,waxaana gaarigaas lahaa Jaamacadda SIMAD,iyadoona uu ku geeriyooday Shaqaalo ka tirsanaa Jaamacadda SIMAD oo ku taalla Dalka.
