Taliska Ciidanka Xoogga Dalka  gaar ahaan Hogaannada Caafimaadka , Hogaanka Maaliyada , iyo hogaanka Ciidanka ayaa si rasmi ah Qaybta 21-aad kaga Bilaabey Howsha wajiga Labaad ee Nidaaminta Habka Diiwaanka Ciidanka Xoogga Dalka.
Qorshaha wajiga labaad ayaa lagu hubinayaa Caafimaadka Ciidamada iyadoo Askarigu uu yeelanayo xog keyd ah oo dhameystiran si loo ogaado warbixinta Guud ahaan askarta Ciidanka Xoogga Dalka.
Wajigan labaad oo dhowaan uu daah furay Ra’iisul Wasaaraha Xukuumadda Federaalka Soomaaliya Xasan Cali Kheyre ayaa Lagu wadaa in ay Maraan dhamaan ciidanka Xoogga Dalka ee ku sugan Guud ahaan Dalka waxaana sidaa sheegey Madaxa Hogaanka Caafimaadka Ciidanka Xoogga Dalka Dr.Mahad Cabdulaahi Nuur.
Abaanduulaha Qaybta 21aad ahna Kusimaha Taliyaha Qaybta G/Le Aadan siyaad Cabdi ayaa Dhankiisa Tilmaamey in Howshani ay Fududeyn doonto la socoshada Xaalada Ciidanka
Howshan waxaa qayb ka Qaatey Dhaqaatiir ka Socotay Ururka Dhaqaatiirta Galmudug oo Caawinaad la garab taagneyd Howlaha ciidamada ee socda.