Wararka ka imaanaya magaalada Baydhabo ee xarunta gobolka Baay ee maamulka Koonfur galbeed Soomaaliya ayaa sheegaya in gebi ahaanba ay go’een Waddooyin muhiim ahaa oo soo gala magaalada Baydhabo.
Waddooyinka ayaa go’ay kadib markii roob xilixaad leh uu ka da’ay duleedka Baydhabo kaas oo sababay in ay gebi ahaanba ay go’aan jidadkii gaadiidka dadweynuhu isticmaali jireen.
Roobka da’ay oo watay daadad xoogan ayaa la sheegay in uu Bohollo waaweyn ka qoday jidadkii soo geli jiray magaalada oo isticmaalka gaadiidka muhiimka u ahaa taasna ay saamayn ku yeelatay wadayaasha gaadiidka.
