Sawirro:-Taliyaha xoogga dalka oo kormeeray Taliska Ciidanka Asluubta Soomaaliyeed iyo Xabsiga dhexe ee Xamar

Taliyaha Ciidanka Xoogga Dalka Soomaaliyeed, Sarreeye gaas Cabdi weli Jaamac Gorod iyo Saraakiil uu hoggaaminayo,  ayaa maanta Booqasho ku tagay Taliska Ciidanka Asluubta Soomaaliyeed iyo Xabsiga dhexe ee Xamar, waxaana halkaasi ku soo dhoweeyay Taliyaha Ciidanka Asluubta Soomaaliyeed Sarreeye Gaas Xuseen xasan Cusmaan iyo Sarakiil ka tirsan Ciidanka Asluubta.

Taliyeyaasha Ciidanka Xoogga iyo Asluubta,  ayaa  Waxay kormeereen Warshadda Soo saarta qalab Xafiseedka, dharka Ciidanka Asluubta iyo kan Maxaabiista, agabka dhismaha iyo qalabka guryaha, waxaana Warshadaan ka howl gala maxbiista ku xiran Xabsiga dhexe ee Xamar iyo saraakiil Ciidankaasi ka tirsan.

kormeerka markii ay soo gabagabeyeen,  ayaa waxaa ugu horeyn Warbaahinta la hadlay Taliyaha Ciidanka Asluubta Soomaaliyeed Sarreeye Gaas Xuseen Xasan Cismaan, isaggoo sheegay in labada talis ee Xoogga dalka iyo Ciidanka Asluubta uu ka dhaxeeyo wada shaqeyn iyo xiriir aad u wanaagsan.

Taliyaha Ciidanka Xoogga dalka Soomaaliyeed Sarreeye gaas  Cabdiweli Jaamac Gorod,  ayaa tilmaamay in uu ku faraxsanyahay  booqashada maanta uu ku tagay Taliska Ciidanka Asluubta, waxaana uu tilmaamay inuu arkay howl wanaagsan oo socta, isaggoo boggaadiyey  sida wanaagsan ee Maxaabiista xabsiga dhexe ee Xamar ku xiran loo barayo Farsamadda Gacanta.

Sawirro