Dhimashada Shanta Ruux ayaa timid kadib markii Gaari ay la socdeen lagu rasaaseeyey deegaan lagu Magacaabo Boos dacaar oo hoostaga degmada War-sheekh ee Gobolka Shabeellaha dhexe.
Maleeshiyaad hubeysan ayaa Gaariga oo ah nooca Soomaalida u taqaano HOMEY rasaas ku furay xilli uu mareyey meel u dhow deegaanka Boos Dacaar o hoostaga degmada Warsheekh,waxaana halkaasi ku geeriyooday Shan ruux halka tiro kale ay ku dhaawacmeen.
Shanta qof ee rasaastaas ku geeriyootay ayaa waxay kala yihiin Afar Dhalinyaro ah oo Ilmo Adeer ahaa iyo Ruux kale oo la socday,kuwaas oo dhamaantood saarnaa gaariga la rasaaseeyey sida ay Dalsan u sheegeen dad ehel la’ah dadka geeriyooday.
Goobta uu falka ka dhacay waxaa gaaray Guddoomiyaha Maamulka degmada Balcad Qaasim Cali nuur,Guddoomiyaha degmada Warsheekh iyo Masuuliyiin kale si xal looga gaaro dhibaatada dhacday oo la sheegay in ay salka ku heyso arrimo la  xiriira aanooyin qabiil.
Dadka dhaawacmay waxaa ku jira darawalkii Gaariga oo lagu Magacaabo Xuseen Xasan Shaarax,sida ay inoo sheegeen dad ehelo la’ah dadka weerarkaas rasaaseynta ah lagu dilay,welina masuuliyiinta gaartey goobta falka uu ka dhacay kama hadlin.
Hoos Ka Daawo sawirada gaariga la rasaaseeyey.
