Ra’iisul Wasaaraha Xukuumada Soomaaliya Xasan Cali Kheyre oo ku sugan dalka Switzerland ayaa wada kulamo kala duwan oo uu la yeelanayo Madaxda kas oo qeyb gashay shir looga hadlayo kobcinta Dhaqaalaha Aduunka kaas oo la filayo in uu ka furmo dalkaas.
Ra’iisul Wasaare kheyre ayaa kulan wax badan la’isdhaafsaday waxa uu la yeeshay Ra’iisul Wasaare ku xigeenka dalka Qatar Sheikh Muhammad Abdulrahman Al Thani,iyaga oo wax badan ka wada hadlay.
War Kooban oo uu Ra’iisul Wasaaraha Soomaaliya soo dhigay Bartiisa Facebook ayaa waxa uu kaga warbixiyay kulanka uu la qaatay Ra’iisul Wasaare ku xigeenka dalka Qatar iyo waxyaabihii ay ka wada hadleen.
“Waxan Magaalada Davos ayaan kula kulmay Raiisal wasaare ku xigeenka Dalka Qatar Sheikh Muhammad Abdulrahman Al Thani. Waxaan ka wada hadalnay sii xoojinta xiriirka labada dal iyo sidii loo dardar gelin lahaa mashaariicda horumarineed ee Dowladda Qatar dhowaan ka bilaabayso Dalka.
Ra’iisul Wasaare kheyre ayaa inta uu ku sugan yahay dalka Switzerland waxa uu la kulmi doonaa Madax badan oo Afrikaan ah kuwaas oo dalkaasi u jooga ka qeybgalka Shirka Dhaqaalaha Aduunka.
