Ciidamo ka tirsan kuwa dowladda Federaalka Soomaaliya iyo kuwa AMISOM ayaa waxaa howlgalo ay ka sameeyeen Xaafado ka tirsan Degmada Buulo Burte ee Gobolka Hiiraan,iyadoo soo bandhigay waxyaabaha qarxa.
Saraakiil Ciidanka dowladda ee ku sugan Buula Burte ayaa sheegay in howlgalka intii uu socday ay ku soo saareen Miinooyin nooca dhulka lagu aaso ah,isla markaana la geliyay Suuq qaadka lagu iibiyo oo ku yaalla bartamaha Degmadaas.
Qaraxyada ay soo bandhigeen Ciidanka dowladda oo Miinooyin ahaa ayaa waxaa ay sheegeen in la doonayay in lagu dhibaateeyo shacabka ku dhaqan degmada Buulo  Burte,hayeeshee la fashiliyay.
Ciidamada dowladda Soomaaliya ayaa dhowr jeer oo hore soo bandhigay qaraxyo Miinooyin ah,kuwaasi oo lagu aasay Wadooyin ku yaalla deegaano ka tirsan Gobolada dalka,isla markaana sheegay inay ku aaseen Al-shabaab.
