Madaxweynaha Dowlad Goboleedka Jubbaland ee Soomaaliya Axmed Maxamed Islaam ayaa maanta Aqalka Madaxtooyada ku qaabilay Safiir ku xigeenka Midowga Yurub ee Soomaaliya Fulgencio Garrido.
Kulanka Madaxweynaha iyo Danjire ku xigeenka ayaa diirada lagu saaray heerka ay hada marayso Soomaaliya gaar ahaan dhinacyada Siyaasada iyo amaanka.
waxaa kale oo la isla soo qaaday sidii Midowga Yurub ay u kordhin lahayeen tageerada ay siiyaan Soomaaliya gaar ahaan dhismaha Ciidamada iyo Tababarkooda.
Safiir ku xigeenku wuxuu balan qaaday in Midowga Yurub uu Jubbaland ku tageerayo xoraynta deeganada ay wali Al-Shabaab maamulaan isla markana ay door muuqda ka qaadan doonan dhismaha Ciidamada Jubbaland iyo kuwa SNA ee ka howlgala deeganada Jubbaland.
