Madaxweynaha dowlad Goboleedka Hirshabeelle Dr Maxamed Cabdi Waare ayaa Maanta dib ugu laabtay Magaalada Jowhar,kadib markii maalmihii la soo dhaafay safar shaqo dalka dibadiisa ugu maqnaa gaar ahaan dalka Jarmalka.
Wafdiga Madaxweyne Waare ayaa waxaa Garoonka diyaaradaha Jowhar kusoo dhaweeyay Madaxweyne kuxigeenka Hirshabeelle,Guddoomiyaha Baarlamaanka,xildhibaano ka tirsan labada Golle ee Hirshabeelle iyo qeybaha kala duwan ee bulshada ku dhaqan Magaalada.
Madaxweynaha Hirshabeelle Maxamed Cabdi Waare ayaa safaro shaqo ah ku tegay Dalka Jarmalka,isagoo halkaasi  kulamo kula yeeshay Madax kala duwan oo ka tirsan Jarmalka.
Sidoo kale Maxamed Cabdi Waare ayaa  dhowr Cisho k sugnaa gudaha Magaalada Muqdisho ee Caasimadda dalka Soomaaliya,hayeeshee gelinkii dambe ee Maanta ayuu aaday Magaalada Jowhar.
