Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan oo xalay hooygiisa magaalada Muqdisho casho sharaf ugu sameeyey Madaxda Madasha Xisbiyada Qaran oo ay hogaaminayeen Madaxweynayaashii Sheekh Shariif Sheekh Axmed iyo Xasan Sheekh Maxamuud.
Kulan oo ahaa mid is xogwaraysi waxaa masuuliyiintaan ay waxa iska weydiiyeen xaaladda Siyaasadeed ee dalka ammaanka iyo arrimaha doorashada ee 2020/2021,iyada oo aad loogu lafa guray dorashada soo socota iyo sidii ay ku dhici laheyd.
Guddoomiyaha Golaha Shacabka Soomaaliya Maxamed Mursal Sheekh C/raxmaan ayaa xog kasiiyay madaxda ansixinta sharciga doorashooyinka ee maalma ka hor ay meelmariyeen,waxaana kulanka intiisa badan looga hadlay arrimaha doorashada.
Madaxweynayaashii hore ee Soomaaliya Xasan Sheekh Maxamuud iyo Sheekh Shariif Sheekh Axmed ayaa dhankooda la wadaagay guddoomiyaha dareenkooda ku aaddan dooashada iyo qaabka ugu haboon ee ay ku dhici karto madaama la meel mariyay Sharciga doorashooyinka qaranka.
28-ka bishaan ayay aheyd markii golaha shacabka Soomaaliya ay meel mariyeen Sharciga doorashooyinka Qaranka oo walaac badani uu ka taagna goluhuna dood kulul ay ka yeesheen dhowr Tdobaad,iayada oo loo gudbin doono dhibaanada Aqalka sare si iyana dhankooda ay uga doodaan.
